ಕ್ರೀಡಾ ವರದಿ: ಆಡಿಲೇಡ್‌ನಲ್ಲಿ ಮೊದಲ ಟೆಸ್ಟ್ ಪಂದ್ಯವನ್ನು ಹೀನಾಯವಾಗಿ ಸೋತ ನಂತರ, ಟೀಂ ಇಂಡಿಯಾದಲ್ಲಿ ಮಹತ್ವದ ಬದಲಾವಣೆ ನಡೆದಿದೆ.
ನಾಯಕ ವಿರಾಟ್‌ ಕೊಹ್ಲಿ ಪಿತೃತ್ವ ರಜೆಯಲ್ಲಿದ್ದು, ಅವರ ಬದಲಿಗೆ ಉಪನಾಯಕ ಅಜಿಂಕ್ಯ ರಹಾನೆ, ಮೇಲ್ಬರ್ನ್‌ ನಲ್ಲಿ ನಡೆಯ ಲಿರುವ ಬಾಕ್ಸಿಂಗ್‌ ಡೇ ಟೆಸ್ಟ್ ಪಂದ್ಯಕ್ಕೆ ನಾಯಕತ್ವ ವಹಿಸಲಿದ್ದಾರೆ. ಹೀಗಾಗಿ, ಟೆಸ್ಟ್ ತಜ್ಞ ಚೇತೇಶ್ವರ ಪೂಜಾರ ಉಪನಾಯಕನ ಜವಾಬ್ದಾರಿ ಹೊರಲಿದ್ದಾರೆ.
ಆರಂಭಿಕ ಪೃಥ್ವಿ ಶಾ ಬದಲು ಶುಬ್ಮನ್‌ ಗಿಲ್‌, ವಿಕೆಟ್‌ ಕೀಪರ್‌ ಸ್ಥಾನಕ್ಕೆ ರಿಷಭ್‌ ಪಂತ್‌ ಹಾಗೂ ಮೊಹಮ್ಮದ್‌ ಶಮಿ ಬದಲು ಮೊಹಮ್ಮದ್‌ ಸಿರಾಜ್‌ ಆಡುವ ಬಳಗದಲ್ಲಿ ಸ್ಥಾನ ಪಡೆದಿದ್ದಾರೆ. ಇನ್ನೂ ಕನ್ನಡಿಗ ಕೆ.ಎಲ್‌.ರಾಹುಲ್‌ ಸ್ಥಾನ ಪಡೆಯದಿರುವುದು, ಕನ್ನಡಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ಆಲ್ರೌಂಡರ್‌ ರವೀಂದ್ರ ಜಡೇಜಾ ಮರಳಿದ್ದು, ತಂಡ ಸಮತೋಲನ ಪಡೆದುಕೊಂಡಿದೆ.
ಆಸೀಸ್‌ ತಂಡದಲ್ಲಿಇದುವರೆಗೂ ಯಾವುದೇ ಬದಲಾವಣೆಯಾಗಿಲ್ಲ.
ತಂಡ ಇಂತಿದೆ.
ಅಜಿಂಕ್ಯ ರಹಾನೆ (ನಾಯಕ), ಚೇತೇಶ್ವರ ಪೂಜಾರ (ಉಪನಾಯಕ), ಶುಬ್ಮನ್‌ ಗಿಲ್‌, ಮಯಾಂ‌ಕ್‌ ಅಗರ್ವಾಲ್‌, ಹನುಮವಿಹಾರಿ, ರವೀಂದ್ರ ಜಡೇಜಾ, ರಿಷಬ್‌ ಪಂತ್‌, ಮೊಹಮ್ಮದ್‌ ಸಿರಾಜ್‌, ರವಿಚಂದ್ರನ್‌ ಅಶ್ವಿನ್‌, ಬೂಮ್ರಾ, ಉಮೇಶ್‌ ಯಾದವ್‌.
