ಹಂದಿಯ ಕಿಡ್ನಿ ಮಾನವನಿಗೆ ಕಸಿ ಮಾಡಿದ ವಿಜ್ಞಾನಿಗಳು

ವಿಶ್ಲೇಷಣೆ

ಎಲ್.ಪಿ.ಕುಲಕರ್ಣಿ

ದೇಹದ ಯಾವುದೇ ಭಾಗಕ್ಕೆ ದೀರ್ಘತಮ ತೊಂದರೆಯಾದರೆ, ಔಷಧಿಗಳಿಂದ ಗುಣಪಡಿಸಲು ಪ್ರಯತ್ನಿಸುತ್ತೇವೆ. ಅದಕ್ಕೂ ಗುಣಮುಖವಾಗಲಿಲ್ಲವೆಂದರೆ ಶಸ ಚಿಕಿತ್ಸೆ ಮೊರೆಹೋಗುತ್ತೇವೆ. ಇವರೆಡೂ ಯಶಸ್ವಿಯಾಗಲಿಲ್ಲವೆಂದರೆ ಹೊಸದೊಂದು ಅಂಗವನ್ನೇ ಅಲ್ಲಿ ಪ್ರತಿಷ್ಠಾಪಿಸಬೇಕಾಗುತ್ತದೆ. ಅಂದರೆ ’ಆರ್ಗನ್ ಟ್ರಾನ್ಸ್ ಪ್ಲಾಂಟೇಷನ್’. ಇದು ಬಹಳ ಕಷ್ಟದಾಯಕ ಕೆಲಸ.

ಇತ್ತೀಚೆಗೆ ಕಿಡ್ನಿ ತೊಂದರೆಯು ಬಹುಪಾಲು ಜನರಲ್ಲಿ ಕಾಣಿಸಿಕೊಳ್ಳುತ್ತಿದೆ. ಈ ತೊಂದರೆ ಯಿಂದ ಹೊರಬರಲು ಒಂದು ಸರ್ವೇ ಪ್ರಕಾರ ಅಮೆರಿಕ ಒಂದರ ಒಂದು ಲಕ್ಷಕ್ಕೂ ಹೆಚ್ಚು ಜನರು ಅಂಗಾಂಗ ಕಸಿಗಾಗಿ ಕಾಯುತ್ತಿದ್ದಾರೆ. ಅಲ್ಲದೇ ಪ್ರತಿ ದಿನ 17 ಜನ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಹೀಗೆ ಅಂಗವನ್ನು ಬೇರೊಬ್ಬರಿಂದ ಪಡೆದು ರೋಗಿಯ ದೇಹ ದಲ್ಲಿ ಜೋಡಿಸಲು ವಿಜ್ಞಾನಿಗಳು ಮಾನವ ದಾನಿಗಳ ಹೊರತಾಗಿ ಮತ್ತೇನಾದರೂ ಆಯ್ಕೆಗಳಿವೆಯೇ ಎಂದು ಹುಡುಕುತ್ತಿದ್ದಾಗ ಸಿಕ್ಕ ಪರಿಹಾರವೇ ಪ್ರಾಣಿಗಳ ಅಂಗಗಳನ್ನು ಮನುಷ್ಯರಿಗೆ ಜೋಡಿಸಿದರೆ ಹೇಗೆ ಎಂಬ ಆಲೋಚನೆ.

ಇದೀಗ ಮೊದಲ ಬಾರಿಗೆ ಹಂದಿಯ ಮೂತ್ರಪಿಂಡವನ್ನು ವ್ಯಕ್ತಿಯೊಬ್ಬನಿಗೆ ಯಶಸ್ವಿ ಯಾಗಿ ಕಸಿ ಮಾಡಲಾಗಿದೆ. ಇತ್ತೀಚೆಗೆ ನ್ಯೂಯಾರ್ಕ್ ನಗರದ ಎನ್.ವಾಯ .ಯು ಲ್ಯಾಂಗೋನ್ ಹೆಲ್ತ್ ಸೆಂಟರ್‌ನಲ್ಲಿ ಈ ಹಂದಿಯ ಕಿಡ್ನಿಯನ್ನು ಮನುಷ್ಯನ ದೇಹದಲ್ಲಿ ಅಳವಡಿಸಲಾಯಿತು. ಇದರ ನೇತೃತ್ವವನ್ನು ಖ್ಯಾತ ಶಸ್ತ್ರಚಿಕಿತ್ಸಕ ರಾಬರ್ಟ್ ಮಾಂಟ್‌ ಗೊಮೆರಿ ವಹಿಸಿದ್ದರು. ಹಂದಿಗಳಿಂದ ಅಂಗಗಳು ಮಾನವರಿಗೆ ಸಂಭಾವ್ಯವಾಗಿ ಸೂಕ್ತ ವೆಂದು ದೀರ್ಘಕಾಲ ಪರಿಗಣಿಸಲಾಗಿದೆ. ಆದರೆ ಹಂದಿ ಜೀವ ಕೋಶಗಳು ಆಲಾ-ಗಾಲ್ ಎಂಬ ಸಕ್ಕರೆಯನ್ನು ಒಳಗೊಂಡಿರುತ್ತವೆ.

ಇದು ಮಾನವ ದೇಹದಿಂದ ತಕ್ಷಣದ ನಿರಾಕರಣೆಯನ್ನು ಪ್ರಚೋದಿಸುತ್ತದೆ. ಈ ಸಂದರ್ಭದಲ್ಲಿ, ಆಲಾ-ಗಾಲ್ ಅನ್ನು ಉತ್ಪಾದಿಸ ದಂತೆ ಹಂದಿಯನ್ನು ತಳೀಯವಾಗಿ ವಿನ್ಯಾಸಗೊಳಿಸ ಲಾಗಿದೆ. ಹಂದಿಯ ಮೂತ್ರ ಪಿಂಡವನ್ನು ರೋಗಿಯ ದೇಹದ ಹೊರಗೆ ಇರಿಸಿದಾಗ, ಕಾರ್ಯಾಚರಣೆಯ ಸಮಯದಲ್ಲಿ ಅದು ತನ್ನ ಕೆಲಸವನ್ನು ಮಾಡುವುದನ್ನು ಗಮನಿಸಲಾಯಿತು: ಅಂದರೆ, ರಕ್ತದಿಂದ ತ್ಯಾಜ್ಯ ಉತ್ಪನ್ನಗಳನ್ನು ಫಿಲ್ಟರ್ ಮಾಡುವುದು ಮತ್ತು ಮೂತ್ರವನ್ನು ಉತ್ಪಾದಿಸುವ ಪ್ರಕ್ರಿಯೇ. ನಾವು ಈಗಾಗಲೇ ಮಾನವರಲ್ಲಿ ಸುಟ್ಟಗಾಯಗಳಿಗೆ ಮತ್ತು ಹಂದಿಯ ಹೃದಯ ಕವಾಟಗಳಿಗೆ ಹಂದಿಯ ಚರ್ಮದ ಕಸಿಗಳನ್ನು ಬಳಸುತ್ತಿದ್ದೇವೆ ಮತ್ತು ಈಗಾಗಲೇ ಬಬೂನ್‌ಗಳಲ್ಲಿ ಹಂದಿ ಹೃದಯಗಳ ಪ್ರಯೋಗಗಳನ್ನು ನಡೆಸಲಾಗಿದೆ, ಆದ್ದರಿಂದ ಇದೊಂದು ಪೂರ್ವ ನಿದರ್ಶನವಾಗಿದೆ.

ಮುಂಬರುವ ವರ್ಷಗಳಲ್ಲಿ ಮಾನವರೊಳಗೆ ಹಂದಿ ಅಂಗಗಳನ್ನು ಬಳಸುವ ಸಾಮರ್ಥ್ಯದ ಬಗ್ಗೆ ಹೆಚ್ಚಿನದನ್ನು ತಿಳಿಯಲು ನಿರೀಕ್ಷಿಸಬಹುದು. ಹಂದಿಯನ್ನು ತಳೀಯವಾಗಿ ವಿನ್ಯಾಸಗೊಳಿಸಿದ ಯುನೈಟೆಡ್ ಥೆರಪ್ಯೂಟಿಕ್ಸ್‌ನ ಮುಖ್ಯ ಕಾರ್ಯನಿರ್ವಾಹಕ ಮಾರ್ಟಿನ್ ರೋಥ್ ಬ್ಲಾಟ್, ಕ್ಸೆನೋಟ್ರಾನ್ಸ್‌ಪ್ಲಾಂಟೇಶನ್‌ನ ಭರವಸೆಯನ್ನು ಅರಿತುಕೊಳ್ಳುವಲ್ಲಿ ಇದು ಒಂದು ಪ್ರಮುಖ ಹೆಜ್ಜೆಯಾಗಿದೆ. ಎಂದು ಇತ್ತೀಚೆಗೆ ‘ದಿ ಗಾರ್ಡಿಯನ್’ ಪತ್ರಿಕೆ ನಡೆಸಿದ ಒಂದು ಸಂದರ್ಶನದಲ್ಲಿ ಹೇಳಿದ್ದಾರೆ.

ಒಟ್ಟಿನಲ್ಲಿ ಹಂದಿಯ ಕಿಡ್ನಿಯನ್ನು ಮಾನವನಿಗೆ ಟ್ರಾನ್ಸ್‌ಪ್ಲಾಂಟ್ ಮಾಡಿದ್ದು ವೈದ್ಯಕೀಯ ಲೋಕದ ಒಂದು ಅಚ್ಚರಿಯ ಸಂಗತಿ
ಯಾಗಿ ಪರಿಣಮಿಸಿದೆ. ಈ ಬೆಳವಣಿಗೆಯು ಮೂತ್ರಪಿಂಡದ ಸಮಸ್ಯೆ ಯಿಂದ ಬಳಲುತ್ತಿರುವವರಿಗೆ ಹೊಸ ಆಶಾಕಿರಣವಾಗಿ ಪರಿಣಮಿಸಿದೆ.