ವಾಷಿಂಗ್ಟನ್‌: ಅಮೆರಿಕದ(America) ನ್ಯೂ ಓರ್ಲಿಯನ್ಸ್‌ನ ಬೌರ್ಬನ್ ಸ್ಟ್ರೀಟ್‌ನಲ್ಲಿ(Bourbon Streets) ಹೊಸ ವರ್ಷದ ಸಂಭ್ರಮಾಚರಣೆ ನಡೆಸುತ್ತಿದ್ದ ಜನಸಂದಣಿಯ ಮೇಲೆ ಟ್ರಕ್ ನುಗ್ಗಿಸಿ ವಿಧ್ವಂಸಕ ಕೃತ್ಯ ಎಸಗಿದ್ದ ಶಂಸುದ್-ದಿನ್ ಜಬ್ಬಾರ್(Shamsud-Din Jabbar) ದಾಳಿಗೂ ಮೊದಲು ಫೇಸ್‌ಬುಕ್‌ನಲ್ಲಿ 5 ವಿಡಿಯೊಗಳನ್ನು ಪೋಸ್ಟ್ ಮಾಡಿದ್ದ ಎನ್ನುವ ವಿಚಾರ ಬೆಳಕಿಗೆ ಬಂದಿದೆ (New Orleans Attacker).
New developments about New Orleans terrorist Shamsud-Din Jabbar
— Steve Gruber (@stevegrubershow) January 2, 2025
He posted on Facebook that he intended to kill his family but was concerned media attention wouldn't be focused on the "war between believers & disbelievers."
He joined ISIS before the summer. – Jabbar served in… pic.twitter.com/36v4ZC9PyC
ನ್ಯೂ ಓರ್ಲಿಯನ್ಸ್ ದಾಳಿಕೋರರು ರೆಕಾರ್ಡ್ ಮಾಡಿರುವ ವಿಡಿಯೊ ಒಂದರಲ್ಲಿ, ಶಮ್ಸುದ್-ದಿನ್ ಜಬ್ಬಾರ್ ಈ ಹಿಂದೆ ತನ್ನ ಕುಟುಂಬ ಮತ್ತು ಸ್ನೇಹಿತರಿಗೆ ಹಾನಿ ಮಾಡಲು ಯೋಜನೆ ರೂಪಿಸಿದ್ದ ಎನ್ನಲಾಗಿದೆ. ಎಫ್‌ಬಿಐ ಉಪ ಸಹಾಯಕ ನಿರ್ದೇಶಕ ಕ್ರಿಸ್ಟೋಫರ್ ರೈಯಾ ಅವರು ಪ್ರಕರಣದ ತನಿಖೆಯ ಬಗ್ಗೆ ಸುದ್ದಿಗಾರರಿಗೆ ಮಾಹಿತಿ ನೀಡಿದ್ದಾರೆ. ಜಬ್ಬಾರ್ ಕಳೆದ ಕೆಲ ತಿಂಗಳ ಹಿಂದೆಯಷ್ಟೇ ಇಸ್ಲಾಮಿಕ್‌ ಸ್ಟೇಟ್‌ನ ಭಯೋತ್ಪಾದಕ ಗುಂಪಿಗೆ ಸೇರಿಕೊಂಡಿದ್ದು, ಐಎಸ್‌ಐಎಸ್‌ನ ಉಗ್ರಗಾಮಿ ಚಟುವಟಿಕೆಗಳಿಗೆ ಸಹಕರಿಸಿದ್ದಾನೆ ಎಂದು ರೈಯಾ ತಿಳಿಸಿದ್ದಾರೆ. ಬೌರ್ಬನ್ ಸ್ಟ್ರೀಟ್‌ನಲ್ಲಿ ಜನಸಂದಣಿಯ ಮೇಲೆ ಟ್ರಕ್ ನುಗ್ಗಿಸಿ ವಿಧ್ವಂಸಕ ಕೃತ್ಯ ಎಸಗಿದ್ದ ಶಂಸುದ್-ದಿನ್ ಜಬ್ಬಾರ್ ದಾಳಿಗೂ ಮುನ್ನ ಫೇಸ್‌ಬುಕ್‌ನಲ್ಲಿ 5 ವಿಡಿಯೊಗಳನ್ನು ಹಂಚಿಕೊಂಡಿದ್ದಾನೆ ಎಂದಿದ್ದಾರೆ.
ಜಬ್ಬಾರ್ ಈ ಮೊದಲು ಟೆಕ್ಸಾಸ್‌ನಲ್ಲಿ ರಿಯಲ್ ಎಸ್ಟೇಟ್ ಏಜೆಂಟ್ ಆಗಿದ್ದ ಎಂದು ಮೂಲಗಳು ತಿಳಿಸಿವೆ. ಅದಕ್ಕೂ ಮುನ್ನ ಅಮೆರಿಕದ ಸೇನೆಯಲ್ಲಿ ಸೇವೆ ಸಲ್ಲಿಸಿದ್ದ ಎಂಬ ಮಾಹಿತಿಯೂ ಈಗ ಲಭ್ಯವಾಗಿದೆ. 4 ವರ್ಷಗಳ ಹಿಂದೆ ಯೂಟ್ಯೂಬ್‌ನಲ್ಲಿ ಪೋಸ್ಟ್ ಮಾಡಿದ ವಿಡಿಯೊದಲ್ಲಿ ಜಬ್ಬಾರ್ ದಕ್ಷಿಣ ಯುಎಸ್ ಉಚ್ಚಾರಣೆಯೊಂದಿಗೆ ಮಾತನಾಡುತ್ತಾ, “ತೀವ್ರಗಾಮಿ ಸಂಧಾನಕಾರ” ಎಂದು ತನ್ನ ಕೌಶಲ್ಯಗಳ ಬಗ್ಗೆ ಹೆಮ್ಮೆಪಟ್ಟಿದ್ದಾನೆ. ಉಗ್ರ ಜಬ್ಬಾರ್ 2007ರಿಂದ 2015ರವರೆಗೆ ಮಾನವ ಸಂಪನ್ಮೂಲ ತಜ್ಞ ಮತ್ತು ಐಟಿ ತಜ್ಞರಾಗಿ ಸೇನೆಯಲ್ಲಿ ಸೇವೆ ಸಲ್ಲಿಸಿದ್ದಾನೆ ಮತ್ತು ನಂತರ 2020 ರವರೆಗೆ ಸೇನಾ ಮೀಸಲು ಪ್ರದೇಶದಲ್ಲಿ ಸೇವೆ ಸಲ್ಲಿಸಿದ್ದ ಎಂದು ವರದಿಯೊಂದು ಹೇಳಿದೆ.
ಜಬ್ಬಾರ್ ಚಿಕ್ಕ ವಯಸ್ಸಿನಲ್ಲೇ ಇಸ್ಲಾಂಗೆ ಮತಾಂತರಗೊಂಡಿದ್ದಾನೆ. ಆದರೆ “ಅವನು ಮಾಡಿದ್ದು ಇಸ್ಲಾಂ ಧರ್ಮವನ್ನು ಪ್ರತಿನಿಧಿಸುವುದಿಲ್ಲ. ಇದು ಕೆಲವು ರೀತಿಯ ತೀವ್ರಗಾಮಿ ಆಲೋಚನೆಯಾಗಿದೆ” ಎಂದು ಅವನ ಸಹೋದರ ಹೇಳಿದ್ದಾನೆ. ದಾಳಿಗೂ ಮೊದಲು ಅವನು ಐಸಿಸ್‌ನಿಂದ ಸ್ಫೂರ್ತಿ ಪಡೆದಿರುವುದನ್ನು ಸೂಚಿಸುವ ವಿಡಿಯೊಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿರುವುದು ಬೆಳಕಿಗೆ ಬಂದಿದೆ ಎಂದು ಅಧ್ಯಕ್ಷ ಜೋ ಬಿಡನ್ ಕೂಡ ತಿಳಿಸಿದ್ದಾರೆ.
ದಾಳಿಗೆ ಬಳಸಿದ ವಾಹನದಲ್ಲಿ ಗುಂಪಿಗೆ ಸಂಬಂಧಿಸಿದ ಕಪ್ಪು ಬಾವುಟ ಕೂಡ ಪತ್ತೆಯಾಗಿದೆ ಎಂದು ಎಫ್‌ಬಿಐ ತಿಳಿಸಿದೆ. ಶಂಸುದ್-ದಿನ್ ಜಬ್ಬಾರ್ 2015-2017 ಅವಧಿಯಲ್ಲಿ ಜಾರ್ಜಿಯಾ ಸ್ಟೇಟ್ ಯೂನಿವರ್ಸಿಟಿಗೆ ಹಾಜರಾಗಿರುವ ದಾಖಲೆಗಳು ಲಭ್ಯವಾಗಿದ್ದು, ಆತ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾನೆ.
ನ್ಯೂ ಓರ್ಲಿಯನ್ಸ್‌ನಲ್ಲಿ ಹೊಸ ವರ್ಷದ ಸಂಭ್ರಮಾಚರಣೆಯ ಜನಸಂದಣಿಯ ಮೇಲೆ ಜಬ್ಬಾರ್ ಅತಿ ವೇಗದಲ್ಲಿ ಟ್ರಕ್ ಅನ್ನು ನುಗ್ಗಿಸಿದ್ದು, ಕನಿಷ್ಠ 15 ಜನರು ಮೃತಪಟ್ಟಿದ್ದಾರೆ. ಸಾಕಷ್ಟು ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಈ ಸುದ್ದಿಯನ್ನೂ ಓದಿ:Nitish Kumar: ಲಾಲು ಆಫರ್‌ಗೆ ನಿತೀಶ್‌ ಕುಮಾರ್‌ ಹೇಳಿದ್ದೇನು? ಬಿಹಾರ ಚುನಾವಣೆಗೆ ಮುನ್ನ ನಡೆಯುತ್ತಾ ಮರು ಮೈತ್ರಿ ?
