• ಬೆಂಗಳೂರಿನಲ್ಲಿ ನಡೆದ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಮರಿಯಾ ಜುವಾನ್ ರೂ. 2 ಕೋಟಿ ಬಹುಮಾನ ಗೆದ್ದರು, 202 ದೇಶಗಳ 78,000 ಶುಶ್ರೂಷಕಿಯರಲ್ಲಿ ಅವರು ಆಯ್ಕೆಯಾದರು
ಬೆಂಗಳೂರು: ಫಿಲಿಪ್ಪೀನ್ಸ್ ಸೇನಾಪಡೆಗಳ ಮೀಸಲು ಪಡೆಯ ಆರ್ಮಿ ಹೆಲ್ತ್ ಸರ್ವೀಸಸ್ ಅಂಡ್ ಕರ್ನಲ್ ನ ಕನ್ಸಲ್ಟೆಂಟ್ ಶುಶ್ರೂಷಕಿ ಫಿಲಿಪ್ಪೀನ್ಸ್ ದೇಶದ ಮರಿಯಾ ವಿಕ್ಟೋರಿಯಾ ಜುವಾನ್ ಆಸ್ಟರ್ ಗಾರ್ಡಿಯನ್ಸ್ ಗ್ಲೋಬಲ್ ನರ್ಸಿಂಗ್ ಅವಾರ್ಡ್ 2024ರ ವಿಜೇತರಾಗಿ ಪ್ರಕಟಿಸಲಾಗಿದೆ ಮತ್ತು ಅವರಿಗೆ ರೂ.2 ಕೋಟಿ ಪ್ರತಿಷ್ಠಿತ ಪ್ರಶಸ್ತಿಯನ್ನು ಭಾರತದ ಬೆಂಗಳೂರಿನಲ್ಲಿ ನಡೆದ ಪ್ರದಾನ ಮಾಡಲಾಯಿತು.
ಆಸ್ಟರ್ ಡಿಎಂ ಹೆಲ್ತ್ ಕೇರ್ ಸಂಸ್ಥಾಪಕ ಅಧ್ಯಕ್ಷರಾದ ಡಾ. ಆಜಾದ್ ಮೂಪೆನ್ ವಿಜೇತರನ್ನು ಪ್ರಕಟಿಸಿದರು ಮತ್ತು ಕರ್ನಾಟಕ ಸರ್ಕಾರದ ಮಾನ್ಯಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವರಾದ ಶ್ರೀ ದಿನೇಶ್ ಗುಂಡೂರಾವ್ ಅವರು ಪ್ರಶಸ್ತಿ ಪ್ರದಾನ ಮಾಡಿದರು. ಅವರೊಂದಿಗೆ ಖ್ಯಾತ ಬಾಲಿವುಡ್ ನಟಿ ಸೊನಾಲಿ ಬೇಂದ್ರೆ, ಕರ್ನಾಟಕ ವಿಧಾನಸಭೆಯ ಮಾನ್ಯ ಸ್ಪೀಕರ್ ಆದ ಶ್ರೀ ಯು.ಟಿ. ಖಾದರ್, ಆಸ್ಟರ್ ಡಿಎಂ ಹೆಲ್ತ್ ಕೇರ್ ಇಂಡಿಯಾದ ಡೆಪ್ಯುಟಿ ಮ್ಯಾನೇಜಿಂಗ್ ಡೈರೆಕ್ಟರ್ ಆಲಿಷಾ ಮೂಪೆನ್ ಮತ್ತು ಆಸ್ಟರ್ ಡಿಎಂ ಹೆಲ್ತ್ ಕೇರ್ ನ ಗೌರ್ನೆನ್ಸ್ ಅಂಡ್ ಕಾರ್ಪೊರೇಟ್ ಅಫೇರ್ಸ್ ಎಕ್ಸಿಕ್ಯೂಟಿವ್ ಡೈರೆಕ್ಟರ್ ಮತ್ತು ಗ್ರೂಪ್ ಹೆಡ್ ಟಿ.ಜೆ. ವಿಲ್ಸನ್ ಉಪಸ್ಥಿತರಿದ್ದರು.
ಆಸ್ಟರ್ ಗಾರ್ಡಿಯನ್ಸ್ ಗ್ಲೋಬಲ್ ನರ್ಸಿಂಗ್ ಪ್ರಶಸ್ತಿಯನ್ನು 2021ರಲ್ಲಿ ಆಸ್ಟರ್ ಡಿಎಂ ಹೆಲ್ತ್ ಕೇರ್ ಪ್ರಾರಂಭಿಸಿದ್ದು ವಿಶ್ವದಾದ್ಯಂತ ಶುಶ್ರೂಷಕಿಯರು ರೋಗಿಗಳಿಗೆ ನೀಡುವ ಅಸಾಧಾರಣ ಕೊಡುಗೆಯನ್ನು ಗುರುತಿಸುವ ಮತ್ತು ಸಂಭ್ರಮಿಸುವ ಉದ್ದೇಶ ಹೊಂದಿದೆ. 2024ರ ಪ್ರಶಸ್ತಿಗಳ ಆವೃತ್ತಿಯು ಅಭೂತಪೂರ್ವ ಪ್ರತಿಕ್ರಿಯೆ ಪಡೆದಿದ್ದು 202 ದೇಶಗಳ 78,000ಕ್ಕೂ ಹೆಚ್ಚು ಶುಶ್ರೂಷಕಿಯರು ಭಾಗವಹಿಸಿದ್ದು 2023ರಲ್ಲಿ ಸ್ವೀಕರಿಸಿದ ಅರ್ಜಿಗಳಿಗಿಂತ ಶೇ.50ರಷ್ಟು ಹೆಚ್ಚಳ ಕಂಡಿದೆ.
ಈ ಕಾರ್ಯಕ್ರಮದಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯ ಡೈರೆಕ್ಟರ್-ಜನರಲ್ ಡಾ.ಟೆಡ್ರೊಸ್ ಅಧನೊಮ್ ಘೆಬ್ರಿಯೆಸಸ್ ವಿಶೇಷ ಸಂದೇಶ ಕಳುಹಿಸಿದ್ದು ಅವರು ಫೈನಲಿಸ್ಟ್ ಗಳನ್ನು ಅಭಿನಂದಿಸಿದರು ಮತ್ತು ಆರೋಗ್ಯಸೇವೆಯಲ್ಲಿ ಶುಶ್ರೂಷಕಿಯರು ವಹಿಸುತ್ತಿರುವ ಪ್ರಮುಖ ಪಾತ್ರವನ್ನು ಗುರುತಿಸುವ ಆಸ್ಟರ್ ಡಿಎಂ ಹೆಲ್ತ್ ಕೇರ್ ಶ್ಲಾಘಿಸಿದರು.
ವಿಜೇತರಾದ ಕುರಿತು ನರ್ಸ್ ಮರಿಯಾ ವಿಕ್ಟೋರಿಯಾ ಜುವಾನ್, “ಫಿಲಿಪ್ಪೀನ್ಸ್ ನ ಸೇನಾ ನರ್ಸ್ ಆಗಿ ನನ್ನ ಪ್ರಯಾಣವು ಸೇವೆಗೆ ನನ್ನ ಸದೃಢ ಬದ್ಧತೆಯನ್ನು ಹೊಂದಿದೆ- ಅದು ಯುದ್ಧ ಪ್ರದೇಶಗಳಲ್ಲಿ ಸೇವೆ ಒದಗಿಸುವುದಿರಲಿ, ವಿಪತ್ತು ಸಂಭವಿಸಿದ ಪ್ರದೇಶಗಳಿರಲಿ ಅಥವಾ ದುರ್ಬಲ ಸಮುದಾಯಗಳಿರಲಿ ಪ್ರತಿ ಪ್ಲಾಟ್ ಪಾರಂನಲ್ಲಿ ಪ್ರತಿಕೂಲ ಪರಿಸ್ಥಿತಿಯಲ್ಲಿ ಸಕಾರಾತ್ಮಕ ಬದಲಾವಣೆ ತರುವುವಾಗಿದೆ. ಈ ಮಾನ್ಯತೆಯು ನನ್ನ ಪ್ರಯತ್ನಗಳನ್ನು ಮಾತ್ರವಲ್ಲ, ಬದಲಿಗೆ ನಾನು ಹೆಮ್ಮೆಯಿಂದ ಸೇವೆ ಒದಗಿಸಿದ ಸೈನಿಕರ ಧೈರ್ಯಕ್ಕೆ ಸಂದ ಗೌರವವಾಗಿದೆ ಮತ್ತು ನನಗೆ ದಿನನಿತ್ಯ ಸ್ಫೂರ್ತಿ ತುಂಬುವ ಫಿಲಿಪಿನೊ ಜನರು ಸದೃಢತೆಗೂ ಆಗಿದೆ” ಎಂದರು.
ಇದು ನಾನು ಪ್ರತಿನಿಧಿಸುವ ಸೇನೆ ಮತ್ತು ನಾಗರಿಕ ವಲಯಗಳಲ್ಲಿ ಸೇವೆ ಒದಗಿಸುವ ದಣಿವನ್ನು ಕಾಣದ, ಸ್ವಾರ್ಥವಿಲ್ಲದ, ಸೇಎಯಲ್ಲಿರುವ ಅತ್ಯಂತ ದಿಟ್ಟ ವ್ಯಕ್ತಿಗಳಾದ ನರ್ಸ್ ಗಳು ಮತ್ತು ತಮ್ಮನ್ನು ಸಂಕಷ್ಟಕ್ಕೆ ಒಡ್ಡಿಕೊಂಡು ಜೀವಗಳನ್ನು ಉಳಿಸುವ ಮತ್ತು ಇತರರನ್ನು ರಕ್ಷಿಸುವ ಅವರಿಗೆ ಸಂದ ಗೌರವವಾಗಿದೆ. ಈ ಗೌರವವು ಅತ್ಯಂತ ಸವಾಲಿನ ಸನ್ನಿವೇಶಗಳಲ್ಲಿ ಸೇವೆ ಒದಗಿಸುವ ಮತ್ತು ನಮ್ಮ ಶ್ರೇಷ್ಠ ವೃತ್ತಿಯ ಎಣೆಯಿರದ ಸಾಮರ್ಥ್ಯ ಮತ್ತು ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ” ಎಂದರು.
ಮರಿಯಾ ವಿಕ್ಟೋರಿಯಾ ಜುವಾನ್ ಪ್ರಸ್ತುತ ಫಿಲಿಪ್ಪೀನ್ ಆರ್ಮಿ ಹೆಲ್ತ್ ಸರ್ವೀಸಸ್ ನಲ್ಲಿ ಕನ್ಸಲ್ಟೆಂಟ್ ಆಗಿದ್ದು ಫಿಲಿಪ್ಪೀನ್ಸ್ ಆರ್ಮಿಯಲ್ಲಿ ಚೀಫ್ ನರ್ಸ್ ಆಗಿ ಸೇವೆ ಒದಗಿಸಿದ್ದು ಅವರು ಆರ್ಮೆಡ್ ಫೋರ್ಸಸ್ ಆಫ್ ದಿ ಫಿಲಿಪ್ಪೀನ್ಸ್ (ಎ.ಎಫ್.ಪಿ.)ಯಲ್ಲಿ ಮೊದಲ ಏರೊಮೆಡಿಕಲ್ ಎವಾಕ್ಯುಯೇಷನ್ ಸಿಸ್ಟಂ ಪ್ರಾರಂಭಿಸಲು ಜವಾಬ್ದಾರರಾಗಿದ್ದಾರೆ. ಈ ಸಿಸ್ಟಂ ಸಂಘರ್ಷದ ಪ್ರದೇಶಗಳಲ್ಲಿ ತೀವ್ರ ವೇಗದಲ್ಲಿ ಎವ್ಯಾಕ್ಯುಯೇಷನ್ ಮತ್ತು ತುರ್ತು ಚಿಕಿತ್ಸೆ ಮೂಲಕ ಜೀವ ಉಳಿಸುವ ಪ್ರಮಾಣ ಹೆಚ್ಚಿಸುತ್ತದೆ. 54 ವರ್ಷ ವಯಸ್ಸಿನಲ್ಲಿ ಅವರು ತೀವ್ರವಾದ 9 ತಿಂಗಳ ಏರೋಮೆಡಿಕಲ್ ಎವ್ಯಾಕ್ಯುಯೇಷನ್ ತರಬೇತಿ ಕಾರ್ಯಕ್ರಮಕ್ಕೆ ಸೇರಿದ್ದು ಅವರು ಈ ಅವಧಿಯಲ್ಲಿ ಪೂರ್ಣಕಾಲಿಕ ಚೀಫ್ ನರ್ಸ್ ಆಗಿಯೂ ಕೆಲಸ ಮಾಡುತ್ತಿದ್ದರು.
ಮುಂಚೂಣಿಯಲ್ಲಿದ್ದು ಸೇವೆ ಒದಗಿಸುವುದರಲ್ಲಿ ನಂಬಿಕೆ ಇರಿಸಿರುವ ನಾಯಕಿಯಾಗಿ ಅವರು 200 ಗಂಟೆಗಳ ಎಮರ್ಜೆನ್ಸಿ ಆಂಬುಲೆನ್ಸ್ ಕಂಡಕ್ಷನ್, 100 ಗಂಟೆಗಳ ಕ್ಲಿನಿಕಲ್ ಡ್ಯೂಟಿ, 1-ಮೈಲಿ ಸಮುದ್ರದಲ್ಲಿ ಈಜು, 3-ದಿನ ಕಾಡಿನಲ್ಲಿ ಉಳಿವು, ಹೆಲಿಕಾಪ್ಟರ್ ನೀರಿನ ಒಳಗಡೆ ತಪ್ಪಿಸಿಕೊಳ್ಳುವುದು ಮತ್ತು ವಿಮಾನದ ಮೆಡಿಕಲ್ ರನ್ ಗಳನ್ನು ನಡೆಸಿದ್ದಾರೆ, ಆದರೆ ಅವರಿಗೆ ಹಾರಾಟ ಮತ್ತು ಆಳದ ನೀರಿನಲ್ಲಿ ಈಜುವ ಭಯವಿದೆ. ಮರಿಯಾ ಪಾರಿಸರಿಕ ಆರೋಗ್ಯದ ಉಪಕ್ರಮಗಳಲ್ಲೂ ಮುಂಚೂಣಿಯಲ್ಲಿದ್ದು ವೆಟಿವರ್ ಗ್ರಾಸ್ ತಂತ್ರಜ್ಞಾನವನ್ನು ಅಳವಡಿಸುವ ಮೂಲಕ ಮಣ್ಣಿನ ಸವಕಳಿ ಮತ್ತು ಜಲಮಾಲಿನ್ಯ ತಪ್ಪಿಸುವ ಕುರಿತು ಶ್ರಮಿಸಿದ್ದಾರೆ. ಕೋವಿಡ್-19 ಸಾಂಕ್ರಾಮಿಕದ ಸಮಯದಲ್ಲಿ ಮರಿಯಾ ಎಂಡುರಮ್ ಮೆಗಾ ಸ್ವಾಬಿಂಗ್ ಸೆಂಟರ್ ಸಂಘಟಿಸಿ ಸೇನೆಯನ್ನು ಮೆಡಿಕಲ್ ಸ್ವಾಬರ್ಸ್ ಆಗಿ ಕೆಲಸ ಮಾಡಲು ಮತ್ತು ಅರೋಗ್ಯಸೇವಾ ವೃತ್ತಿಪರರೊಂದಿಗೆ ಸಹಹೋಗಕ್ಕೆ ತರಬೇತಿ ನೀಡಿದ್ದಾರೆ. ಈ ಕೇಂದ್ರವು ಸುಮಾರು 500,000 ಪರೀಕ್ಷೆಗಳನ್ನು ನಡೆಸಿದ್ದು ದೇಶದ ಸಾಂಕ್ರಾಮಿಕ ಪ್ರತಿಕ್ರಿಯೆಗೆ ಗಮನಾರ್ಹ ರೀತಿಯಲ್ಲಿ ಕೊಡುಗೆ ನೀಡಿದೆ.
ಆಸ್ಟರ್ ಡಿಎಂ ಹೆಲ್ತ್ ಕೇರ್ ಸಂಸ್ಥಾಪಕ ಅಧ್ಯಕ್ಷ ಡಾ.ಅಜಾದ್ ಮೂಪೆನ್, “ಮರಿಯಾ ವಿಕ್ಟೋರಿಯಾ ಜುವಾನ್ ಶುಶ್ರೂಷಣೆಯ ಶ್ರೇಷ್ಠತೆಯನ್ನು ಪ್ರತಿನಿಧಿಸುತ್ತಾರೆ ಮತ್ತು ಇಡೀ ಜಾಗತಿಕ ಆರೋಗ್ಯಸೇವಾ ಸಮುದಾಯಕ್ಕೆ ಸ್ಫೂರ್ತಿಯಾಗಿ ಕೆಲಸ ಮಾಡುತ್ತಿದೆ. ಆಸ್ಟರ್ ನಲ್ಲಿ ನಾವು ಶುಶ್ರೂಷಕಿಯರು ಆರೋಗ್ಯಸೇವೆಯ ಬೆನ್ನೆಲುಬು ಎಂದು ನಂಬುತ್ತೇವೆ, ಅವರು ಸಹಾನುಭೂತಿಯಿಂದ ಆರೈಕೆ ನೀಡುವುದೇ ಅಲ್ಲದೆ ಇಡೀ ಹೆಲ್ತ್ ಕೇರ್ ಇಕೊಸಿಸ್ಟಂನಲ್ಲಿ ಅಸಾಧಾರಣ ಪಾತ್ರ ವಹಿಸುತ್ತಾರೆ. ಆಸ್ಟರ್ ಗಾರ್ಡಿಯನ್ಸ್ ಗ್ಲೋಬಲ್ ನರ್ಸಿಂಗ್ ಅವಾರ್ಡ್ಸ್ ಅನ್ನು ವಿಶ್ವದಾದ್ಯಂತ ಜೀವನಗಳನ್ನು ಉದ್ಧರಿಸಲು ತಮ್ಮ ಶಕ್ತಿಮೀರಿ ಶ್ರಮಿಸಿದ ನರ್ಸ್ ಕೊಡುಗೆಗಳನ್ನು ಗೌರವಿಸಲು ಪ್ರಾರಂಭಿಸಲಾಗಿದೆ. ಟಾಪ್ 10 ಫೈನಲಿಸ್ಟ್ ಗಳಲ್ಲಿ ಪ್ರತಿಯೊಬ್ಬರೂ ಮತ್ತು ನಾವು ಈ ವರ್ಷ ಸ್ವೀಕರಿಸಿದ 78,000 ಅರ್ಜಿದಾರರಲ್ಲಿ ಪ್ರತಿಯೊಬ್ಬರೂ ಅವರ ರೋಗಿಗಳಿಗೆ ಮತ್ತು ಅವರ ದೇಶಗಳಲ್ಲಿ ಶುಶ್ರೂಷಕರ ಸಮುದಾಯಗಳಿಗೆ ಅಸಾಧಾರಣ ಕೊಡುಗೆಗಳನ್ನು ನೀಡಿದ್ದಾರೆ. ನಾವು ಈ ಆರೋಗ್ಯಸೇವಾ ನಾಯಕರ ಅಸಾಧಾರಣ ಕೆಲಸವನ್ನು ಗುರುತಿಸಲು ಮತ್ತು ಸಂಭ್ರಮಿಸಲು ಹೆಮ್ಮೆ ಪಡುತ್ತೇವೆ” ಎಂದರು.
ಆಸ್ಟರ್ ಡಿಎಂ ಹೆಲ್ತ್ ಕೇರ್ ಇಂಡಿಯಾದ ಡೆಪ್ಯುಟಿ ಮ್ಯಾನೇಜಿಂಗ್ ಡೈರೆಕ್ಟರ್ ಆಲಿಷಾ ಮೂಪೆನ್, “ಶುಶ್ರೂಷಕಿಯರು ರೋಗ ಗುಣಪಡಿಸುವ ಮೌನಶಕ್ತಿಯಾಗಿದ್ದು, ದಣಿವಿರದೆ ಮತ್ತು ಯಾವುದೇ ಮೆಚ್ಚುಗೆಯಿಲ್ಲದೆ ಜನರ ಜೀವನಗಳಲ್ಲಿ ನೈಜ ವ್ಯತ್ಯಾಸ ತರಲು ಶ್ರಮಿಸುತ್ತಾರೆ. ಆಸ್ಟರ್ ಗಾರ್ಡಿಯನ್ಸ್ ಗ್ಲೋಬಲ್ ನರ್ಸಿಂಗ್ ಅವಾರ್ಡ್ಸ್ ಮೂಲಕ ನಮ್ಮ ಗುರಿ ಅವರ ಅಸಾಧಾರಣ ಕಥೆಗಳನ್ನು ಮುಂಚೂಣಿಗೆ ತರುವುದು ಮತ್ತು ಅವರಿಗೆ ನಿಜಕ್ಕೂ ಅಗತ್ಯವಿರುವ ಮಾನ್ಯತೆ ನೀಡುವುದಾಗಿದೆ. ಮರಿಯಾ ವಿಕ್ಟೋರಿಯಾ ಜುವಾನ್ ಧಯರ್ಯ, ಕೌಶಲ್ಯ ಮತ್ತು ಸಹಾನುಭೂತಿಯ ಅದ್ಭುತ ಉದಾಹರಣೆಯಾಗಿದ್ದು ಅವರ ಗುಣಗಳು ಆರೋಗ್ಯಸೇವೆಯನ್ನು ಉನ್ನತಗೊಳಿಸಿವೆ ಮತ್ತು ನಮಗೆ ಸ್ಫೂರ್ತಿ ತುಂಬಿವೆ. ಅವರ ಸಾಧನೆಗಳನ್ನು ಸಂಭ್ರಮಿಸುವುದು ಪ್ರತಿಯೊಂದು ಕಡೆಯೂ ವ್ಯಕ್ತಿಗಳು, ಕುಟುಂಬಗಳು ಮತ್ತು ಸಮುದಾಯಗಳ ಮೇಲೆ ಅವರು ಮಾಡುತ್ತಿರುವ ಅಭೂತಪೂರ್ವ ಪರಿಣಾಮವನ್ನು ನೆನಪಿಸುವುದಾಗಿದೆ” ಎಂದರು.
ಉಳಿದ 9 ಫೈನಲಿಸ್ಟ್ ಗಳು ಕೀನ್ಯಾದ ಆರ್ಕಿಮಿಡಿಸ್ ಮೊಟಾರಿ, ಪಪುವಾ ನ್ಯೂ ಗಿನಿಯಾದ ಜಾನ್ಸಿ ಇನ್ನಿ, ಯು.ಎಸ್.ಎ.ಯ ಲಾರ್ನಿ ಕೊನ್ಲು ಫ್ಲೋರೆನ್ಸಿಯೊ, ಉಗಾಂಡಾದ ಲಿಲಿಯನ್ ನುವಾಬೈನ್, ಯು.ಎ.ಇ.ಯ ನೆಲ್ಸನ್ ಬೌಟಿಸ್ಟಾ, ಭಾರತದ ಸಿಲ್ವಿಯಾ ಪ್ರದೀಪ್ ಕುಮಾರ್ ರಾಣೆ, ಯು.ಎಸ್.ಎ.ಯ ಮಾರ್ಟಿನ್ ಶಿಯವೆಂಟೊಫ್ರಮ್, ಸಿಂಗಪೂರ್ ನ ಹೊಯಿ ಶು ಯಿನ್ ಮತ್ತು ಇಂಗ್ಲೆಂಡ್ ನ ಮೇ ಹ್ಯಾಂಪ್ಟನ್ ಅವರಿಗೂ ನರ್ಸಿಂಗ್ ನಲ್ಲಿ ಅವರ ಕೊಡುಗೆಗೆ ನಗದು ಬಹುಮಾನ ನೀಡಲಾಯಿತು.
ಈ ನರ್ಸ್ ಗಳನ್ನು ಅರ್ನ್ಸ್ಟ್ ಅಂಡ್ ಯಂಗ್ ಎಲ್.ಎಲ್.ಪಿ. ನಡೆಸಿದ ಸ್ಕ್ರೀನಿಂಗ್ ಜ್ಯೂರಿ ಮತ್ತು ಗ್ರಾಡ್ ಜ್ಯೂರಿ ಒಳಗೊಂಡ ಕಠಿಣ ಆಯ್ಕೆ ಪ್ರಕ್ರಿಯೆ ಮೂಲಕ ಆಯ್ಕೆ ಮಾಡಲಾಯಿತು.
