ನವದೆಹಲಿ: ಕ್ರಿಸ್ಮಸ್ ಹಬ್ಬಕ್ಕೆ ಸಾಮಾನ್ಯವಾಗಿ ಸರ್ಪ್ರೈಸ್ ಗಿಫ್ಟ್‌ಗಳನ್ನು ನೀಡಲಾಗುತ್ತದೆ. ಇದೀಗ ವ್ಯಕ್ತಿಯೊಬ್ಬರು ಕೆಲಸದ ಸ್ಥಳದಲ್ಲಿ ಕ್ರಿಸ್ಮಸ್‍ಗೆ ಗಿಫ್ಟ್‌ ಆಗಿ ನೀಡಲು ಮೊಸರಿನ ಟಬ್ ಅನ್ನು ಇಟ್ಟಿದ್ದು, ಅದನ್ನು ನೋಡಿ ಜನರು ದಂಗಾಗಿದ್ದಾರೆ. ಎಕ್ಸ್ ಬಳಕೆದಾರರೊಬ್ಬರು ತಮ್ಮ ಕಚೇರಿಯಲ್ಲಿ ಕ್ರಿಸ್ಮಸ್ ಮರದ ಪಕ್ಕದಲ್ಲಿ ಇರಿಸಲಾದ ಉಡುಗೊರೆಗಳಲ್ಲಿ ಒಂದರ ಚಿತ್ರವನ್ನು ಹಂಚಿಕೊಂಡಿದ್ದು ಇದೀಗ ಸಿಕ್ಕಾಪಟ್ಟೆ ವೈರಲ್(Viral Video) ಆಗಿದೆ.
ಕ್ರಿಸ್ಮಸ್ ಉಡುಗೊರೆಯಾಗಿ ಮೊಸರು ನೀಡುವುದು ಸರಿಯೇ? ಎಂಬ ಪ್ರಶ್ನೆ ಹುಟ್ಟು ಹಾಕಿದೆ. ಈ ಹಬ್ಬದ ಸಮಯದಲ್ಲಿ ಜನರು ಆಗಾಗ್ಗೆ ಕಾಫಿ ಮಗ್‍ಗಳು ಮತ್ತು ಚಾಕೊಲೇಟ್‍ಗಳನ್ನು ಉಡುಗೊರೆಯಾಗಿ ಸ್ವೀಕರಿಸುತ್ತಿದ್ದರೆ, ಇತರ ಉಡುಗೊರೆಗಳ ನಡುವೆ ಇರಿಸಲಾದ ಮೊಸರಿನ ಅನ್‌ಪ್ಯಾಕ್‌ ಮಾಡಿದ ಟಬ್ ವೈರಲ್ ಆಗಿದೆ. ಸೀಕ್ರೆಟ್ ಸಾಂಟಾ ಅವರ ಅಸಾಮಾನ್ಯ ಉಡುಗೊರೆಯ ಚಿತ್ರವು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಲಾಗಿದೆ. ಆದರೆ ಶೀಘ್ರದಲ್ಲೇ ಅದನ್ನು ಡಿಲೀಟ್ ಮಾಡಲಾಗಿದೆ. ಪೋಸ್ಟ್‌ಗೆ ಅನೇಕ ಪ್ರತಿಕ್ರಿಯೆಗಳು ಬಂದ ನಂತರ, ಎಕ್ಸ್ ಬಳಕೆದಾರರು ಪೋಸ್ಟ್ ಅನ್ನು ಸೋಶಿಯಲ್ ಮೀಡಿಯಾದಿಂದ ಡಿಲೀಟ್ ಮಾಡಿದ್ದಾರೆ. “ಯಾರೋ ಒಬ್ಬರು ಮೊಸರಿನ ಟಬ್ ಅನ್ನು ಉಡುಗೊರೆಯಾಗಿ ಪಡೆದಿದ್ದಾರೆ” ಎಂದು ಈಗ ಡಿಲೀಟ್ ಮಾಡಲಾದ ಎಕ್ಸ್ ಪೋಸ್ಟ್‌ನಲ್ಲಿ ಬರೆಯಲಾಗಿದೆ.
ಕ್ರಿಸ್ಮಸ್ ಉಡುಗೊರೆಯಾಗಿ ‘ದಹಿ’ ಅಥವಾ ಮೊಸರನ್ನು ಸ್ವೀಕರಿಸುವುದು ಸರಿಯೇ? ಉಡುಗೊರೆ ಉಪಯುಕ್ತವಾಗಬಹುದಾದರೂ, ನೆಟ್ಟಿಗರು ಇದನ್ನು “ಉಡುಗೊರೆ” ಎಂದು ಸ್ವೀಕರಿಸಿಲ್ಲ. ಕೆಲಸದ ಸ್ಥಳದಲ್ಲಿ ಸೀಕ್ರೆಟ್ ಸಾಂಟಾ ಆಟದ ಸಮಯದಲ್ಲಿ ಯಾರಾದರೂ ಮೊಸರು ಉಡುಗೊರೆಯಾಗಿ ಪಡೆಯುವ ಬಗ್ಗೆ ತಿಳಿದಾಗ ಎಂತವರ ಮುಖದಲ್ಲಿ ನಗು ಮೂಡುವುದು ಸಹಜ. ಹಾಗಾಗಿ ಈ ಪೋಸ್ಟ್ ತುಂಬಾ ‘ನಗು’ ಇಮೋಜಿಯೇ ತುಂಬಿದೆ.
ಈ ಸುದ್ದಿಯನ್ನೂ ಓದಿ:ವಿಮಾನದಲ್ಲಿ ಜೋರಾಗಿ ಅತ್ತ ಪುಟ್ಟ ಬಾಲಕಿಯನ್ನು ಸಮಾಧಾನಪಡಿಸಿದ ಲೆಬನಾನ್ ಸಂಗೀತಗಾರ… ವಿಡಿಯೊ ನೋಡಿ
“ಸಾಂತಾ ಅವರ ಉಡುಗೊರೆಯಾಗಿ ದಹಿಯನ್ನು ಸ್ವೀಕರಿಸಲು ನಾನು ಇಷ್ಟಪಡುತ್ತಿದ್ದೆ” ಎಂದು ಪ್ರೋಟೀನ್ ತುಂಬಿದ ಉಡುಗೊರೆಗಳನ್ನು ಗೌರವಿಸುವ ಜಿಮ್ ಉತ್ಸಾಹಿಯೊಬ್ಬರು ಹೇಳಿದ್ದಾರೆ.
ಇನ್ನು ಸಾಮಾಜಿಕ ಜಾಲತಾಣದಲ್ಲಿ ಕೆಲವೊಂದು ಕ್ರಿಸ್ಮಸ್ ಗಿಫ್ಟ್‌ ಬಗ್ಗೆ ಸಂಬಂಧಿತ ಫನ್ನಿ ವಿಡಿಯೊಗಳು ವೈರಲ್ ಆಗುತ್ತಿವೆ.
ಈ ಸುದ್ದಿಯನ್ನೂ ಓದಿ: Sunita Williams: ಬಾಹ್ಯಾಕಾಶದಲ್ಲಿಯೇ ಸುನಿತಾ ವಿಲಿಯಮ್ಸ್ ಕ್ರಿಸ್ಮಸ್ ಆಚರಣೆ ; ವಿಡಿಯೊ ಹಂಚಿಕೊಂಡ ನಾಸಾ
