ನವದೆಹಲಿ : ದೀನದಯಾಳ್ ಅಂತ್ಯೋದಯ ಯೋಜನೆ-ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಅಭಿಯಾನ ಅಡಿಯಲ್ಲಿ ಉತ್ತೇಜಿಸಲಾದ ಮಹಿಳಾ ಸ್ವಸಹಾಯ ಗುಂಪುಗಳಿಗೆ ಆರ್ಥಿಕ ಬೆಂಬಲವನ್ನ ಪ್ರಧಾನಿ ನರೇಂದ್ರ ಮೋದಿ ಗುರುವಾರ ಬಿಡುಗಡೆ ಮಾಡಿದರು.
4 ಲಕ್ಷಕ್ಕೂ ಹೆಚ್ಚು ಎಸ್‌ಎಚ್‌ಜಿಗಳಿಗೆ ₹1,625 ಕೋಟಿ ಬಂಡವಾಳೀಕರಣ ಬೆಂಬಲ ನಿಧಿ ಬಿಡುಗಡೆ ಮಾಡಿ ದರು. 7,500 ಎಸ್‌ಎಚ್‌ಜಿ ಸದಸ್ಯರಿಗೆ ₹25 ಕೋಟಿ ಮತ್ತು ಮಿಷನ್ ಅಡಿಯಲ್ಲಿ ಪ್ರಚಾರ ಮಾಡುತ್ತಿರುವ 75 ರೈತ ಉತ್ಪಾದಕ ಸಂಸ್ಥೆಗಳಿಗೆ (FPOs) ನಿಧಿಯಾಗಿ ₹4.13 ಕೋಟಿ ಬಿಡುಗಡೆ ಮಾಡಿದರು.
‘ಹಿಂದಿನ ಸರ್ಕಾರಗಳಿಗೆ ಹೋಲಿಸಿದರೆ ನಮ್ಮ ಸರ್ಕಾರ ಮಹಿಳಾ ಎಸ್ ಎಚ್ ಜಿಗಳಿಗೆ ಹೆಚ್ಚಿನ ಬೆಂಬಲ ನೀಡಿತು. ಮಹಿಳೆಯರಿಗಾಗಿ ಬ್ಯಾಂಕ್ ಖಾತೆಗಳನ್ನು ತೆರೆದಿದ್ದೇವೆ ಮತ್ತು ಖಾತರಿಯಿಲ್ಲದೆ ಸಾಲಗಳನ್ನ ಒದಗಿಸಿದ್ದೇವೆ’ ಎಂದು ಸಂವಾದದ ಅಧಿವೇಶನದಲ್ಲಿ ಪ್ರಧಾನಿ ಹೇಳಿದರು. ಸ್ವ-ಪ್ರಯತ್ನಗಳಿಗಾಗಿ ಎಸ್ ಎಚ್ ಜಿ ಸದಸ್ಯರನ್ನ ಶ್ಲಾಘಿಸಿದರು.
‘ಒಬ್ಬ ಮಹಿಳೆ ಸಶಕ್ತರಾದಾಗ, ಕೇವಲ ಒಂದು ಕುಟುಂಬ ಮಾತ್ರವಲ್ಲ, ಸಮಾಜ ಮತ್ತು ದೇಶವೂ ಅಭಿವೃದ್ಧಿ ಹೊಂದುತ್ತದೆ’ ಎಂದು ಪ್ರಧಾನಿ ಹೇಳಿದರು. ಮಾಸ್ಕ್‌ಗಳನ್ನು ತಯಾರಿಸುವುದು, ಅಗತ್ಯವಿರುವವರಿಗೆ ಆಹಾರ ತಲುಪಿಸುವುದು, ಜಾಗೃತಿ ಕೆಲಸ, ನಿಮ್ಮ ಸಖಿ ಗುಂಪುಗಳ ಕೊಡುಗೆಯನ್ನು ಎಲ್ಲ ರೀತಿಯಲ್ಲೂ ಹೋಲಿಸಲಾಗದು’ ಎಂದು ಪ್ರಧಾನಿ ಮೋದಿ ಶ್ಲಾಘಿಸಿದರು.
