ಬೆಂಗಳೂರು: ಇದೇ ನ.19 ರಂದು ‘100’ ಸಿನಿಮಾ ಬಿಡುಗಡೆಯಾಗುತ್ತಿರುವ ಸಂತಸದಲ್ಲಿ ನಟ ರಮೇಶ್ ಅರವಿಂದ್ ಸಿನಿಮಾ ಪ್ರಚಾರಕ್ಕೆ ಥಿಯೇಟರ್ ಗಳಿಗೆ ಭೇಟಿ ಕೊಡಲಿದ್ದಾರೆ.
100 ಸಿನಿಮಾವನ್ನು ರಮೇಶ್ ನಿರ್ದೇಶಿಸಿರುವುದರ ಜೊತೆ ನಾಯಕರಾಗಿ ನಟಿಸಿದ್ದಾರೆ. ಅವರ ಜೊತೆಗೆ ರಚಿತಾ ರಾಮ್ ಪೂರ್ಣ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಸೈಬರ್ ಕ್ರೈಂ ಆಧಾರಿತ ಕತೆಯಿರುವ 100 ಸಿನಿಮಾ ನ.19 ರಿಂದ ಪ್ರದರ್ಶನಗೊಳ್ಳಲಿದ್ದು, ಬೆಂಗಳೂರಿನ ಪ್ರತೀ ಥಿಯೇಟರ್ ಗಳಿಗೂ ಚಿತ್ರತಂಡದೊಂದಿಗೆ ಭೇಟಿ ಕೊಟ್ಟು ಅಭಿಮಾನಿಗಳೊಂದಿಗೆ ಸಿನಿಮಾ ವೀಕ್ಷಿಸುವುದಾಗಿ ಹೇಳಿದ್ದಾರೆ.
