ನವದೆಹಲಿ: 68ನೇ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಶುಕ್ರವಾರ ಪ್ರಕಟವಾಗಿದೆ.
ಅಜಯ್ ದೇವಗನ್ ಗೆ ‘ತಾನ್ಹಾಜಿ’ ಚಿತ್ರದ ಅಮೋಘ ಅಭಿನಯಕ್ಕಾಗಿ ಮತ್ತು ‘ಸೂರರೈಪೋಟ್ರು’ ಚಿತ್ರದಲ್ಲಿನ ಮನೋಜ್ಞ ಅಭಿನಯಕ್ಕಾಗಿ ನಟ ಸೂರ್ಯಗೆ ಶ್ರೇಷ್ಠ ನಟ ಪ್ರಶಸ್ತಿ ಲಭಿಸಿದೆ.
ನಟ ಸೂರ್ಯ ಅಭಿನಯದ ಸೂರರೈಪೋಟ್ರು ಚಿತ್ರ ಐದು ವಿಭಾಗಗಳಲ್ಲಿ ಪ್ರಶಸ್ತಿ ಬಾಚಿಕೊಂಡಿದೆ. ಉತ್ತಮ ನಟ (ಸೂರ್ಯ-ಸೂರರೈಪೋಟ್ರು), ಅತ್ಯುತ್ತಮ ಚಲನಚಿತ್ರ-ಸೂರರೈಪೋಟ್ರು, ಅತ್ಯುತ್ತಮ ಹಿನ್ನಲೆ ಸಂಗೀತ-(ಜಿವಿ ಪ್ರಕಾಶ್ ಕುಮಾರ್) (ಚಿತ್ರ- ಸೂರರೈಪೋಟ್ರು), ಅತ್ಯುತ್ತಮ ನಟಿ- ಅಪರ್ಣಾ ಬಾಲಮುರಳಿ (ಚಿತ್ರ-ಸೂರರೈಪೋಟ್ರು), ಅತ್ಯುತ್ತಮ ಚಿತ್ರಕಥೆ-ಶಾಲಿನಿ ಉಷಾ ನಾಯರ್ ಕೊಂಗರ (ಚಿತ್ರ-ಸೂರರೈಪೋಟ್ರು) ವಿಭಾಗಗಳಲ್ಲಿ ಚಿತ್ರ ಪ್ರಶಸ್ತಿ ಗೆದ್ದಿದೆ.
ಅಜಯ್ ದೇವಗನ್ ಅವರ ತಾನ್ಹಾಜಿ ಚಿತ್ರದಲ್ಲಿನ ನಟನೆಗಾಗಿ ಅತ್ಯುತ್ತಮ ನಟ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ತೆಲುಗಿನ ಅಲಾವೈಕುಂಠಪುರಂಲೋ ಚಿತ್ರ ಹಾಡಿನ ಸಂಗೀತ ನಿರ್ದೇಶನಕ್ಕಾಗಿ ಸಂಗೀತ ನಿರ್ದೇಶಕ ತಮನ್ ಅವರಿಗೆ ಅತ್ಯುತ್ತಮ ಸಂಗೀತ ನಿರ್ದೇಶನ ಪ್ರಶಸ್ತಿ ಲಭಿಸಿದೆ.
ತಮಿಳಿನ ಮಂಡೇಲಾ ಚಿತ್ರಕ್ಕಾಗಿ ಅತ್ಯುತ್ತಮ ಚೊಚ್ಚಲ ಚಿತ್ರ ನಿರ್ದೇಶನ ವಿಭಾಗದಲ್ಲಿ ಮಡೋನ್ನೆ ಅಶ್ವಿನ್ ಅವರಿಗೆ ಪ್ರಶಸ್ತಿ ಲಭಿಸಿದೆ. ತೆಲುಗಿನ ಅತ್ಯುತ್ತಮ ಚಿತ್ರ ವಿಭಾಗದಲ್ಲಿ ಕಲರ್ ಫೋಟೋ ಚಿತ್ರಕ್ಕೆ ಪ್ರಶಸ್ತಿ ಲಭಿಸಿದೆ.
