ಮುಂಬೈ: ಹಿರಿಯ ಗಾಯಕ, ಸಂಗೀತ ನಿರ್ದೇಶಕ ಬಪ್ಪಿ ಲಹರಿ(69) ಮುಂಬೈನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನ ರಾದರು.
ಅಲೋಕೇಶ್ ಲಾಹಿರಿ(ಜನನ 27 ನವೆಂಬರ್ 1952) ಅವರು ಬಪ್ಪಿ ದಾ ಎಂದೇ ಜನಪ್ರಿಯರಾಗಿದ್ದಾರೆ. ಗಾಯಕ, ಸಂಯೋಜಕ, ರಾಜಕಾರಣಿ ಮತ್ತು ರೆಕಾರ್ಡ್ ನಿರ್ಮಾಪಕರಾಗಿದ್ದ ಅವರು ಭಾರತೀಯ ಚಿತ್ರರಂಗದಲ್ಲಿ ಸಂಶ್ಲೇಷಿತ ಡಿಸ್ಕೋ ಸಂಗೀತದ ಬಳಕೆ ಜನಪ್ರಿಯಗೊಳಿಸಿದರು.
ಅಮರ್ ಸಂಗೀ, ಆಶಾ ಓ ಭಲೋಬಾಶಾ, ಅಮರ್ ತುಮಿ, ಅಮರ್ ಪ್ರೇಮ್, ಮಂದಿರಾ, ಬದ್ನಾಮ್, ರಕ್ತಲೇಖಾ, ಪ್ರಿಯಾ ಮತ್ತು ಮುಂತಾದ ಬಂಗಾಳಿ ಚಲನಚಿತ್ರಗಳಲ್ಲಿ ಯಶಸ್ಸು ಗಳಿಸಿದ ಅವರು 1980 ಮತ್ತು 1990 ರ ದಶಕ ದಲ್ಲಿ ವಾರ್ದತ್, ಡಿಸ್ಕೋ ಡ್ಯಾನ್ಸರ್, ನಮಕ್ ಹಲಾಲ್, ಶರಾಬಿ, ಡ್ಯಾನ್ಸ್ ಡ್ಯಾನ್ಸ್, ಕಮಾಂಡೋ, ಸಾಹೇಬ್, ಗ್ಯಾಂಗ್ ಲೀಡರ್, ಸೈಲಾಬ್ ಮುಂತಾದ ಫಿಲ್ಮಿ ಸೌಂಡ್‌ಟ್ರ್ಯಾಕ್‌ಗಳೊಂದಿಗೆ ಜನಪ್ರಿಯರಾಗಿದ್ದರು.
ಲಾಹಿರಿ 2014 ರಲ್ಲಿ ಬಿಜೆಪಿ ಸೇರಿದರು. ಅವರು 2014 ರ ಭಾರತೀಯ ಸಾರ್ವತ್ರಿಕ ಚುನಾವಣೆಗೆ ಪಶ್ಚಿಮ ಬಂಗಾಳದ ಶ್ರೀರಾಮಪುರ(ಲೋಕಸಭಾ ಕ್ಷೇತ್ರ) ನಿಂದ ಬಿಜೆಪಿ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಪರಾಭವ ಗೊಂಡಿದ್ದರು.
