ಮುಂಬೈ: ’ಕಂಗನಾ ಅವಾರ್ಡ್ ವಾಪಸ್ ಕರೋ’ ಎನ್ನುವ ಟ್ಯಾಗ್ ಲೈನೊಂದು ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ ವೈರಲ್‌ ಆಗಿದೆ.
ಸುಶಾಂತ್‌ ಸಿಂಗ್‌ ರಾಜಪೂತ್ ಸಾವಿನ ವಿಚಾರದಲ್ಲಿ ಪ್ರೇಯಸಿ ರಿಯಾ ಚಕ್ರವರ್ತಿ ಜೈಲು ಪಾಲಾಗಿ ದ್ದರು. ಸುಮಾರು ಒಂದು ತಿಂಗಳ ಬಳಿಕ, ಎನ್‌ಡಿಪಿಎಸ್‌ ನ್ಯಾಯಾಲಯ ನಟಿಗೆ ಷರತ್ತುಬದ್ದ ಜಾಮೀನು ನೀಡಿದೆ.
ಇತ್ತೀಚೆಗಷ್ಟೇ, ಕಂಗನಾ ರಾಣಾವತ್‌ ಅವರು ಸಂದರ್ಶನವೊಂದರಲ್ಲಿ ಈ ಕುರಿತು ಹೇಳಿಕೆ ನೀಡಿದ್ದರು. ಸುಶಾಂತ್‌ ಸಿಂಗ್‌ ರಾಜಪೂತ್ ಸಾವಿನ ವಿಚಾರದಲ್ಲಿ ನನ್ನ ಹೇಳಿಕೆ ಸುಳ್ಳಾದರೆ, ಪದ್ಮಶ್ರೀ ಪ್ರಶಸ್ತಿಯನ್ನು ಹಿಂತಿರುಗಿಸುವುದಾಗಿ ಹೇಳಿಕೆ ನೀಡಿದ್ದರು. ಈ ಹೇಳಿಕೆಯನ್ನಾಧರಿಸಿ ಈಗ ಟ್ವಿಟ್ಟರ್‌ನಲ್ಲಿ ಕಂಗನಾಅವಾರ್ಡ್‌ವಾಪಸ್‌ ಕರೋ ಎನ್ನುವ ಅಭಿಯಾನಕ್ಕೆ ವ್ಯಾಪಕ ಬೆಂಬಲ ವ್ಯಕ್ತವಾಗುತ್ತಿದೆ.
