ಪಾಟ್ನಾ: ಬಿಹಾರದಲ್ಲಿ ಮುಂಬರುವ ವಿಧಾನಸಭಾ ಚುನಾವಣೆಗೆ ಆಡಳಿತಾರೂಢ ಪಕ್ಷಗಳ ಪರ ಪ್ರಚಾರ ನಡೆಸಲು ಯಾವ ಸ್ಟಾರ್’ಗಳ ಅಗತ್ಯವಿಲ್ಲ. ನಮ್ಮ ಪ್ರಧಾನಿ ನರೇಂದ್ರ ಮೋದಿಯೇ ನಮ್ಮ ಅತೀ ದೊಡ್ಡ ಸ್ಟಾರ್ ಎಂದು ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್‍ ಹೇಳಿದರು.
ಮಹಾರಾಷ್ಟ್ರದಲ್ಲಿ ಬಾಲಿವುಡ್ ನಟಿ ಕಂಗನಾ ರಾಣಾವತ್ ಅವರು, ಮಹಾರಾಷ್ಟ್ರದಲ್ಲಿ ಮುಖ್ಯಮಂತ್ರಿ ಉದ್ದವ್‍ ಠಾಕ್ರೆಯವರ ಶಿವಸೇನೆಯೊಂದಿಗೆ ಮಾತಿನ ಚಕಮಕಿಯಲ್ಲಿ ತೊಡಗಿರುವುದು, ವಿಪಕ್ಷ ಬಿಜೆಪಿ ಪಾಲಿಗೆ ಟಾನಿಕ್‍ ಸಿಕ್ಕಿದಂತಾಗಿದೆ.
ಕಳೆದ ವಾರ ನಟಿ ಕಂಗನಾಳ ಮುಂಬೈ ಕಚೇರಿಯನ್ನು ಧ್ವಂಸಗೊಳಿಸಿದ್ದ್ನು ಮಾಜಿ ಸಿಎಂ ದೇವೆಂದ್ರ ಫಡ್ನವೀಸ್‍ ಅವರು ಟೀಕಿಸಿ ದ್ದರು. ಆದರೆ, ಮುಂಬೈ ಕುರಿತ ಆಕೆಯ ಹೇಳಿಕೆಯನ್ನು ಬೆಂಬಲಿಸಿಲ್ಲ. ನಟಿಯ ಮನೆಯನ್ನು ಮಾತ್ರ ಧ್ವಂಸ ಮಾಡುತ್ತೀರಿ. ಆದರೆ, ದಾವೂದ್ ಮನೆಯ ವಿಚಾರಕ್ಕೆ ಹೋಗುತ್ತಿಲ್ಲ. ರಾಜ್ಯ ಕೊರೊನಾ ವೈರಸ್‍ ವಿರುದ್ದ ಅಲ್ಲ, ಕಂಗನಾಳ ವಿರುದ್ದ ಹೋರಾಟಕ್ಕಿಳಿದಿದೆ ಎಂದು ಭಾವಿಸಿದೆ ಎಂದು ವ್ಯಂಗ್ಯವಾಗಿ ನುಡಿದರು.
